Seme edo alaba baten jaiotza gertaera oso berezia da; beraz, ez kezkatu ahosabaian akats batekin jaio delako, bere lehen urteetan arreta gehixeago eskainiko diogula suposatuko du horrek, eta, horretarako, batera lan egin beharko dugu bere fisura tratatzeko.
Badakigu zalantzak eta antsietatea sortzen dituen egoera bat dela, eta, laguntzen saiatzeko, gure ustez etxean erabilgarria izan daitekeen informazioa biltzeko liburu hau egin dugu.
“Nire bizi-kalitatea” programan parte hartzera gonbidatu nahi zaituztegu. ICHOM nazioarteko proiektua da, zuen semearen edo alabaren emaitzak neurtzea du helburu, gure baliabideak eta ahaleginak une bakoitzean gehien kezkatzen duenera egokitu ahal izateko, osasun-alderdi garrantzitsuak alde batera utzi gabe.
Zein da hau gertatzeko arrazoia?
Arlo zientifikoan, gaixotasunari buruz zalantza asko daude oraindik.
Estatistikoki badakigu ingurumeneko eta genetikako faktoreak batzen direnean sortzen dela fisura, baina soilik kasuen ehuneko txiki batean detektatzen da nahasmendu genetiko heredatu bat edo hurrengo belaunaldira transmitituko dela.
Ezpain-ahosabaietako fisura da sortzetiko malformazio ohikoena; izan ere, munduan haur bateko intzidentzia du jaiotzen diren 1.000 haur bakoitzeko. Aldatu egiten da arrazaren arabera; hala, ohikoagoa da arraza horian (1/500) eta arraroagoa arraza beltzeko pazienteetan (1/2.500).
Gure ingurunean 1.200 jaioberriko bat da intzidentzia zenbatetsia.