Porrotxek eta ospitalean daude haurrek Ospitaleko Gabonetako Arbola piztu dute
Porrotx pailazo ospetsua, bere Txapas banaezinarekin batera, ospitalean agertu da gaur goizean, halla argitzen duen Gabonetako Arbola tradizionala pizteko eta Olentzeroren eta Jaiotzaren instalazioei ongietorria emateko, Pediatrian ospitaleratuta dauden haurrekin batera. COVIDaren pandemia dela eta, bi urtez ezin izan da halakorik egin, eta, 2022 honetan, Arbola pizteko tradizioak Ospitaleko halletik igarotzen diren pertsona guztiak berriz ilusioz betetzea ahalbidetu du.
Ondoren, gelaz gela joan dira biak, ASPANOVASeko ordezkariekin batera, opariak eta trikimailuak banatzen. Pediatriako eta Haur Onkologiako unitateak bisitatu dituzte, Arbola ikustera jaitsi ezin izan diren haurrak alaitzeko.
Urtero bezala, Mantentze, Segurtasun, Informazio Unitate eta Zeladoreen Zerbitzuak buru-belarri aritu dira gure Ezkerralde-Enkarterri-Gurutzetako ESIn Gabonetarako irteera ematen duen ekitaldi hau antolatzen.
ESIko erretiratuei 2022an egindako omenaldia
COVIDaren pandemiaren ondorioz bi urtez egin ezin izan ondoren, Ezkerralde-Enkarterri-Gurutzetako ESIk, Zuzendaritzak aurkeztutako ekitaldi hunkigarri batean, gure zentroan beren lan-ibilbidea garatu duten eta etapa berri bati hasiera eman dioten profesional guztiak omendu ditu.
Horretarako, eta azken urteotan egin duten lan gogorrari esker, ABAO Operaren Denboraldiko Bilboko Opera Abesbatzako kideek osatutako Mozart Abesbatzak kontzertu txiki bat egin du, eta sei pieza interpretatu ditu kontzertu horretan: Cantique (Fauré), Va Pensiero (Verdi), Xalbadorren Heriotzean (Xabier Lete),Gloria in excelsis Deo, Adeste Fideles, Aleluya (Händel), eta Agur jaunak, ekitaldiari amaiera emateko.
Megaparken jostailuen dohaintza Pediatriari
Urtero bezala, Megaparkeko kideak ospitalera etorri dira, bertan dauden haurrei ilusioa oparitzera. Ospitaleak COVIDaren aurkako protokoloekin jarraitzen duen hirugarren urtea da, eta ez dute inoiz huts egin. Megaparkeko gerente Estibaliz Amilibiak eta marketineko arduradun María Montesek enpresak egin ohi duen jostailu-dohaintza tradizionala entregatu diote Pediatriako Zerbitzuari. Eskerrik asko!
Athletic Clubeko jokalariek bisita egin diete ospitaleratutako adingabeei
Azken bi urteotan, eta COVIDaren pandemia dela-eta, ezin izan da aurrez aurre egin, baina aurten bai, Athleticeko jokalariek ospitaleratutako haurrak bisitatu dituzte, egun hunkigarri eta ahaztezin batean.
Bilbao Basket taldekoek ospitalean dauden neska-mutilei egingo diete bisita
Alex Reyes eta Michale Kyser jokalariek eta Jaume Ponsarnau entrenatzaileak jai zoriontsuak opa dizkiete egun hauetan ospitalean dauden haurrei. Ilusioz beteriko topaketa. Eskerrik asko
Badatoz Olentzero eta Mari Domingi
Azken bi urteotan, eta COVIDaren pandemia dela-eta, ezin izan da egin, baina aurten bai, Olentzero, Mari Domingirekin batera, ospitalera joan da, ospitaleratuta dauden haur guztiak bisitatzera eta opariak eta irribarreak banatzera.
Errege Magoak Ospitalera iritsi dira
Errege Magoek geldialditxo bat egin dute gure ospitalean, ospitaleratutako haurrak bisitatzeko, opariz, ilusioz eta desio onez beteta. Oso pozik zeuden berriz ere etorri ahal izan direlako, COVIDak eragindako bi urteko pandemiaren ondoren.
