Ezkerralde-Enkarterri-Gurutzetako ESIko Pneumologia Zerbitzuak Euskadi eta Nafarroako Arnas Patologia Elkartearen (SVNPAR) XXXIV. kongresua antolatu du Bilbon. Ekitaldiak bi saio izan ditu, arlo medikoan eta erizaintzakoan, hurrenez hurren. Kongresuan, Euskadiko eta Nafarroako zentroetako osasun-ordezkariek arnas patologiei eta horiek tratatzeko aukerei buruzko ezagutza eta hausnarketa partekatu dute.
Arlo medikoan, honako hauek jorratu dira: zainketa aringarriak arnas paziente aurreratu ez-onkologikoen kasuan, funtzionamendua eta osasun-ekintzak Tarteko Arnas Zainketen Unitatean (UCRI), biriketako hipertentsioa, pneumonia, biriketako nodulu azpisolidoa, biriken erresekzioa biriketako minbizian, besteak beste.
Erizaintzaren esparruan, zainketa aringarriez gain, Green Eremuan arnas patologia duen pazientearen erizaintza-maneiuaren etorkizunaz, fisioterapiaz eta arnas terapia aurreratuez aritu dira. Erizaintzako tresna teknologikoak eta tuberkulosia transmititzeko espazio berriak indartzeko beharra ere azaldu dute. Jarduera fisikoak osasunean dituen onurek, arnas pazientearen intimitatean duen asistentzia-berotasunak eta profesionalen osasun mentalaren zaintzak itxi dute jardunaldia mahai ezberdinetan, eta, gainera, hainbat komunikazio eta poster izan dituzte arnas patologiei buruz.
