Tutorearen eginkizunak
Tutorea. Kontzeptua, eginkizunak eta izendapena
Tutorea egoiliarraren ezagutzen, gaitasunen eta jarreren ikasketa planifikatzeko eta horretan aktiboki parte hartzeko misioa duen zerbitzu aktiboan dagoen profesional espezialista da. Bere helburua espezialitatearen heziketa-programa betetzen dela bermatzea da. Tutorearen profil profesionala dagokion espezialitatearen heziketa-programak diseinatutako profil profesionalera egokituko da.
Tutorea egoiliarraren irakaskuntza-ikaskuntza prozesuaren lehenengo arduraduna da eta hori dela eta, horrekin etengabeko harreman egituratu bat mantenduko du, heziketa-prozesua garatzen den irakaskuntza-unitatearen dispositiboa edozein izanik. Era berean, tutoreak, ikasketa- prozesu hori jarraitzeko helburuarekin, egoiliarraren heziketan parte hartzen duten beste tutore eta profesionalekin aldizkako elkarrizketak edukiko ditu. Horrekin guztiarekin, etengabeko ikasketaren prozesua eta egindako errotazioen arduradunek erantsiko dituzten heziketa-ebaluazioko txostenak aztertuko ditu.- Tutorearen eginkizun nagusiak hurrengoak dira; heziketa-prozesu guztia planifikatzea, kudeatzea, gainbegiratzea eta ebaluatzea. Horrela, beharrezkoa denean, programaren metodologia hobetzeko neurriak proposatuko ditu eta egoiliarren norbanakoaren ikaskuntzaren, erantzukizunen mailakako onarpenaren eta ikerketa-gaitasunaren alde egingo du.
Espezialitate bakoitzeko tutoreek espezialitate horren heziketa-gida edo – ibilbide eredua proposatuko dute. Irakaskuntza batzordeak hori onartuko du, dagokion programaren aurreikuspenak kontuan hartuz. Aipatutako gida, irakaskuntza-unitate horretan trebatzen diren espezialitatearen egoiliar guztiei aplikatuko zaiena, egoiliar bakoitzaren heziketarako plan indibidualarekiko egokitzapenari kalterik egin gabe ulertuko da. Plan hori tutoreak egingo du, arreta-dispositiboen arduradunekin eta zentroan edo irakaskuntza-unitatean trebatzen ari diren egoiliarren beste tutoreekin batera. - Tutore bera izango dute heziketa-epealdi guztian zehar, arrazoi justifikatu bat egoon ezik edo espezialisten heziketan ardaztasun-irizpideen eransketatik sortutako egoera espezifikoak eman ezik. Tutoreari 5 egoiliar arte esleitu ahalko zaizkio.
- Autonomia Erkidegoek tutoreak beren irakaskuntza-jarduerari dedikazio egokia ematen diotela bermatzeko beharrezko neurriak hartuko dituzte, lanaldi arruntaren barne edo kanpo izan.
- Tutorearen izendatzea autonomia erkidego bakoitzak zehazten duen prozeduraren bitartez egingo da, kasu horretan Osasun Sistema Nazionalaren Giza Baliabideetako Batzordeak onartzen dituen irizpide orokorrei jarraituz. Tutorea zentroan edo irakaskuntza-unitatean integratutako dispositibo ezberdinetan zerbitzuak eskaintzen dituzten eta beharrezkoa den espezialistaren titulua duten aurretik akredidatutako profesionalen artean aukeratuko da.
Beste irakaskuntza-figura batzuk
Autonomia Erkidegoek, beren ezaugarrien eta berezko antolamendu-irizpideen arabera, beste irakaskuntza-figura batzuk sortu ahalko dituzte, heziketa espezializatuan, ikerketa- helburuetan, programen modulu generiko edo espezifikoetako garapenean edo intereseko beste irakaskuntza-jardueretan kolaborazio garrantzitsuak izateko helburuarekin.