Kimioterapia hainbat bidetatik eman daiteke, besteak beste:
- Ahotik: Medikamentuak ahotik hartzen dira, konprimatu edo kapsula moduan.
- Zain barnetik: Medikamentuak odol-korrontean ematen dira zuzenean, zain baten bidez. Zainetako hainbat sarbide daude:
- Zain barneko bide periferikoa: Gorputzaren kanpoaldean (normalean besoetan eta eskuetan) dagoen zain irisgarri bat kanalizatzen da. Ziklo bakoitzeko medikamentua eman ondoren kentzen da.
- Sarrera periferikoko zain-bide zentrala, PICC: Kateterra bide periferiko batetik sartzen da, normalean besotik, goiko kaba zaineraino. Tratamenduaren hasieran jartzen da eta tratamenduak iraun bitartean mantentzen da. Osasun-langileak astero garbitu eta heparinizatu beharko du, normalean osasun-zentroan.
- Larruazalpeko bidea (SC): Medikamentuak larruazalaren azpitik ematea, oro har larruazalpeko gantz-ehunean.