Minbizia diagnostikatu ondoren, erretzeari uztea lagungarria izan daiteke tratamendu onkologikoa arrakastatsua izateko. Pertsona batzuek uste dute beranduegi dela minbizia diagnostikatu ondoren erretzeari uzteko, eta kaltea dagoeneko eginda dagoela. Beste batzuek uste dute tabakoak minbizia eragin diela eta merezia dutela.
Erretzen duten pertsonak ez dira errudun sentitu behar minbizia diagnostikatzeagatik, eta ez dute pentsatu behar laguntzeko ezer egin ezin daitekeenik; izan ere, erretzeari uzteak berehalako eta epe luzeko onurak izan ditzake.
Erretzeari uztea zaila izan daitekeen arren, eta litekeena da lortu aurretik hainbat aldiz saiatu behar izatea, beti da posible. Oso garrantzitsua da erretzeari uzteko konpromisoa hartzea eta laguntza eskatzea.
Minbizia diagnostikatu ondoren tabakoa erretzeari uztearen onurak honako hauek dira:
- Bizitza luzeagoa.
- Tratamendua ongi ateratzeko aukera handiagoak.
- Minbiziaren tratamenduaren ondoriozko albo-ondorio gutxiago eta larritasun gutxiagokoak, kirurgia, kimioterapia eta erradioterapia barne.
- Tratamendutik azkarrago berreskuratzea.
- Bigarren mailako minbiziak izateko arrisku txikiagoa.
- Infekzio-arrisku txikiagoa.
- Errazago arnastea.
- Energia gehiago.
- Bizi-kalitate hobea.
Informazio gehiago lortzeko, sartu esteka honetan: OSASUN ESKOLA – TABAKISMOAREN PREBENTZIOA