Oro har, honelako ebakuntzetan 3-4 egunez ospitaleratuta geratu behar izaten da pazientea, baina ospitaleratzearen iraupena suspertze- eboluzioaren araberakoa izango da.

  • Poltsa bat ekarri beharko duzu, ospitaleratuta zauden egunetan behar izango dituzun gauzekin: txapinak, txabusina, pijama, higiene-produktuak…
  • Zure eguneroko bizitzarako behar dituzun protesiak (hortzordeak, betaurrekoak, audifonoak…).
  • Zure eguneroko bizitzarako behar dituzun protesiak (hortzordeak, betaurrekoak, audifonoak…).
  • Etxean hartzen duzun ohiko medikazioa, hala adierazi badizute.
  • Egunero urologo bat pasako da zer bilakaera duzun ikusteko. Aztertu zure zauriak, jarri dizuten medikazioa eta eskatuko dizkizute beharrezkotzat jotzen dituzun probak. Aprobetxatu zure zalantzak planteatzeko!
  • Erizainek beharrezko zainketak eskainiko dizkizute eta une oro jarraitu beharreko urratsak adieraziko dizkizute.

Alta medikoaren egunean, honako agiri hauek emango dizkizute:

  • Alta medikoaren txostena; horretan, hurrengo azterketaren data agertuko da.
  • PSAren analisi-eskaera. Emaitzak urologoarekin egingo den lehen azterketa-egunerako egon beharko dira.
  • Erizaintzako txostena, grapak eta aurretiazko sendaketak kentzeko adierazitako datarekin. Sendaketak zure osasun-zentroko erizainak egiten ditu; beraz, zure zentroarekin harremanetan jarri beharko duzu hitzorduak eskatzeko. Eraman iezaiezu txostena, denak eman diezazkizuten.
  • Urologia-kontsultan zunda kentzeko data.
  • Prostatektomia erradikalaren osteko zainketen orria.
  • Gernu-zundaren zainketen orria.
  • Pelbis-zoruko ariketen orria.
  • Heparina eguneko dositan (30 egun igaro arte) hartzen jarraitzeko errezeta.
  • Zure laguntzaile edo senideren batek ospitaleratzearen egiaztagiririk behar badu, Urologia Zerbitzuko Idazkaritzan eskatu ahalko du, 15:00ak arte.
  • Zure izen-abizenak esan beharko ditu eta egiaztagiriaren eskatzailearen NANa aurkeztu beharko du.

Ez ahaztu komentatzea

  • Mina sentitzen baduzu.
  • Zure egoera fisikoa okerrera egiten ari dela sentitzen baduzu.
  • Odola hautematen baduzu zaurietako batean edo gernu eta/edo gorozkietan.
  • Sendagairen batek kalte egiten badizu.
  • Elikadura-arazoak: tolerantzia, alergiak…
  • Garrantzitsua iruditzen zaizun edozein iradokizun.
Interbentzio kirurgikoa Prostatektomia erradikalaren ondorengo zaintza