Gaixotasun metabolikoak

Hatzeko ziztatuz odola biltzea eta paper-txartelean jasotzea

• Ziztada egin aurretik, eta odol-fluxua errazteko, oso garrantzitsua da zonaldea berotzea, atzamarra gehiegi estutu gabe masajeatuz edo ur beroko txorrotaren azpian jarriz.
• Aldez aurretik zonaldea desinfektatu eta erabat lehortu.
• Atzamarra lantzetarekin ziztatu. Normalean, hatz luzean, alboetako batean.
• Gaza batekin lehen odol-tanta kendu, eta beste odol-tanta handi bat sortzen utzi, zirkulua inpregnatzeko modukoa.
• Hurbildu txartela odol-tantara, ahal dela atzamarraz ukitu gabe, eta utzi odola txartelean zabaltzen zirkulua bete arte, ukitu bakar batean, baina gehiegi inpregnatu gabe.
• Zirkuluak erabat bete (bi zirkulu betetzea nahikoa da). Zirkulu beteek itxura bera izan behar dute paperaren bi aldeetan.
• Ziztadaren zonaldean presioa egin, odoljarioa eten arte.
• Pazientearen datuak jarri: izena, abizenak, IKKa (jakinez gero) eta ateratze-data.
• Txartela giro-tenperaturan lehortzen utzi (ez jarri zuzenean bero, hezetasun edo eguzki-argiaren eraginpean) paperezko gutun-azal batean jarri baino 3 ordu lehenago gutxienez. Ezin da plastikozko poltsarik erabili.
• Bidali laborategira 24 ordu igaro aurretik.

Txartelak Oinarrizko Eremu bakoitzeko ospitaleetan ematen dira. Leku lehor, fresko eta ilunetan gorde behar dira. Egiaztatu iraungitze-data, eta baliozkoak ez badira, eskatu berriz emateko.

Deskarga daitezkeen dokumentuak

Jaioberrien baheketa-programa Euskadin