Tratamenduak

Hilekoaren mina arintzen laguntzen dute, endometriosiaren garapenean eragiten ez badute ere.

Pseudohaurdunaldia edo pseudomenopausia eragitea dute helburu, hau da, endometriosi-lesioak ez dira hain aktiboak eta, beraz, ez dira hain sintomatikoak. Tratamendu horiek eten ondoren, gaixotasuna berraktibatu egiten da. Sendagai horien artean 3 multzo nabarmentzen dira:

• Antisorgailu hormonal konbinatuak: pauta jarraituan edo ziklikoan (pilula, eraztun baginala, partxea).
• Gestagenoak ahotik, muskulu barnetik edo hormona hori askatzen duen DIU gisa.
• GnRHren analogoak, (gonadotropinak askatzen dituen hormona), hormona sexualen ekoizpena blokeatzen dutenak eta menopausia osteko sintomak sortzen dituztenak. Albo-ondorio horiek arintzeko, hormona-tratamendua erabil daiteke (add-back terapia).

Gainera, badira beste medikazio batzuk ere (danazola, gestrinona), tratamendu esperimentalak (aromatasaren inhibitzaileak, progesterona-hartzaileen blokeatzaileak …) eta eraginkortasuna ondo frogatu gabeko beste aukera batzuk.

Ahal dela laparoskopiaren bidez , ospitaleko alta goiztiarragoa eta susperraldi azkarragoa ahalbidetzen duena. Tratamendu kirurgikoa aholkatzen da, baldin eta:

• Mina handia bada eta/edo tratamendu medikoari erantzuten ez badio.
• Hesteetako edo gernu-bideetako estenosia dagoenean (estutzea).
• Kiste handiak daudenean, pelbisaren atxikidurak, haurdunaldia zaildu dezaketenak, eta hori azaltzen duen beste arrazoirik ez dagoenean.

Gaixotasun kronikoa eta sendaezina denez, abordatze kontserbadorea (tratamendu medikoa) lehenetsi behar dugu kirurgiaren aurretik.

Endometriosiaren tratamendu kirurgikoa gaixotasunaren maneiuan espezializatutako diziplina anitzeko taldeek egin behar dute. Lehenengo kirurgian, ageriko lesio guztiak erauzten saiatu behar da, eta organoekin ahalik eta kontserbagarriena izan behar du. Kirurgiaren erradikaltasun-maila hainbat faktoreren araberakoa izango da, hala nola gaixotasunaren agresibitatearen, haurdunaldi-nahiaren edo aurretiko ebakuntza kirurgikoen araberakoa.

Batzuetan, laguntza bidezko ugalketa-teknikak erabiltzen dira (intseminazioa, FIV/ICSI) haurdunaldia lortzeko aukera hobetzeko. Mediku-taldeak baloratuko du teknika horietakoren bat egin aurretik ebakuntza kirurgikorik egin behar den.

Informazio gehiago nahi izanez gero, Lagundutako ugalketa atala bisitatu dezakezu.

Zenbait sendagai-tratamendu eta/edo tratamendu kirurgiko egin arren sintomek irauten badute, baliteke minaren eta osasun mentalaren alorreko espezialistek osatutako terapiak behar izatea, gaixotasuna modu integralean maneiatzeko diziplina anitzeko talde bateko kide direnak.

Zoru pelbikoaren errehabilitazio-tratamendua.