Gazte Gela eta Biblioterapia proiektuaren barruan, sexu-hezkuntzari buruzko zenbait tailer egin dira Muskizeko osasun-zentroan; Clara Isabel González Lanseros eta Irene Gutiérrez Camargo profesional sanitarioek eman dituzte.

San Juan ikastetxeko gurasoek parte hartzen dute tailerretan, eta helburua da aurrenerabeei eta haien familiei espazioak eta tresnak ematea, haien gorputzarekin, generoarekin eta eskubideekin erlazionatutako alderdiei buruz ikas dezaten eta sexu-jarduera arduratsu, pozgarri eta seguruaz disfruta dezaten.

Lehen tailer bat egin da familiekin eta, gero, aurrez aurreko tailerrak egin dira ikastetxeetan, 5. eta 6. mailako ikasleekin. Tailerretan, lehentasuna ematen zaie modu aktiboan parte hartzeari, hausnartzeari eta komunikatzeari. Gaiak genero-ikuspegitik jorratzen dira; beraz, gizonen eta emakumeen arteko tratu- eta aukera-berdintasuna errespetatzen ez duten eredu kulturalei jarraitzeagatiko kalteberatasun-maila murrizten da.