Ezkerralde-Enkarterri-Gurutzetako ESIk osasun-jarduketarako emakumeen mutilazio genitalaren gaia jorratu du Gurutzetako Unibertsitate Ospitalean, otsailaren 6an egindako saioan; Berdintasun Batzordeak antolatu du. Hizlari gisa aritu dira saioan Inmaculada Gómez, Euskadiko Munduko Medikuak elkarteko emakumeen mutilazio genitalaren taldeko boluntarioa, eta Mbaye Gil, Senegalgo SUNU GAAL elkartearen erizain eta presidentea.
Honako gai hauek azaldu dira programan: emakumeen mutilazio genitalaren definizioa eta motak, esparru teoriko eta legalak, prebalentziaren mapa, hura egiteko justifikazioak eta mutilazioa jasaten duen emakumearen osasunari eragindako ondorioak. Halaber, aztertu da osasun-kontsultan horri heltzeko modua eta aipatu dira erakundeen gomendioak eta protokoloak. Azkenik, hura desagerrarazteko hainbat tresna azaldu dira.
