Ezkerraldea Enkarterri Gurutzeta ESIak ate irekien jardunaldia egin du, etorkizuneko egoiliarrei beren prestakuntza osatuko duten zentroa eta espezialitatea aukeratzen laguntzeko.
Apirilaren 1ean hasiko da plaza-esleipena, eta etorkizunean egoiliar izango diren zenbait erkidegotako 250 ikasle baino gehiago ospitalean izan dira. Gainera, BioCruces Bizkaia Osasun Ikerketako Institutua eta Ospitale Birtuala bisitatzeko aukera izango dute. Hori guztia bi helbururekin: batetik, zentroak eskaintzen dituen irakaskuntza- eta prestakuntza-abantailen informazio xehatua lortzea eta, bestetik, bertatik bertara ezagutzea egoiliar arituko diren zerbitzuen antolamendua eta funtzionamendua.
Zuzendaritzak eta Prestakuntza Espezializatuko Unitateko arduradunak zentroaren ezaugarriak aurkeztu ondoren, aurten eskaintzen dituzten zerbitzuak bisitatzen hasi dira. Horretarako, egoiliarrek gidari-lanak egin dituzte eta planteatutako galdera guztiei erantzun diete. Gainera, zerbitzuekin zoom bidezko hainbat bilera programatu dira, etorkizuneko egoiliarrek espezialitateari buruzko informazio gehiago lortzeko aukera izan dezaten.
Aurten, Ospitaleak 122 plaza eskaintzen ditu, 100 mediku, 17 erizain, 2 farmazia eta 2 psikologia klinikokoak.
