Gaur goizean, ospitaleratuta dauden umeak bisitatu dituzte Espainiako Futbolarien Elkarteko ordezkariek eta José Ángel Iribar, Andoni Goikoetxea, José Pablo Otaolea eta Iker Zarate futbolari ohiek.
AFE ordezkatuz joan da Fernando Zambrano, Beteranoei Arreta Emateko Saileko arduraduna; futbol-pilotak, jostailuak, pelutxeak eta motxilak eman dizkiete ospitaleratuta dauden txikiei eta goiz atsegina izan dute batera.
Pediatriako haurrak bisitatu ondoren, 2. A solairutik igaro dira, gaur egun Munduko Eguna dela-eta familiartekoei eta laguntzaileei zuzendutako presio-ultzerei buruzko tailer batean parte hartzen zuten pertsonak agurtzeko. Era berean, AFEk bisita egiaztatzen duen diploma bat eman du, laguntza eta arreta hobetzeko konpromisoa aitortzeko.
