ESIko Eskertze Aitortza Jardunaldiak profesional-taldeak aintzatesten ditu, erakundearen estrategiarekin bat datozen jardunbide egokiengatik eta emaitza bikainengatik. Aurtengo jardunaldian aintzatetsitako jardunbide on horietako bat kirurgia-blokearen online prestakuntzaren garapena izan da.

Prestakuntza hori, funtsean, hainbat bideoren erabileran oinarritzen diren edukien garapenean oinarritzen da, arlo kirurgikoan egunero egiten den lanari begira. Modulu guztiek bideo formatuko baliabideak dituzte, ikaskuntza errazteko, eta autoebaluazio-probak, ikastaroa gainditu izana egiaztatzeko amaierako test batekin amaitzen direnak. Ikastaro hori Lanbide Sanitarioen Etengabeko Prestakuntzako Kontseiluak egiaztatu du.

Prozesu kirurgikoaren lantaldetik hasieratik argi izan dute segurtasunaren arloko prestakuntza hobetzeko bidea zela, non segurtasunean lan egiteak pazientearen segurtasuna, profesionalen segurtasuna eta ingurumenaren segurtasuna inplikatzen zituen

Horretarako, proiektu honetan parte hartu dute Bloke Kirurgikoan lan egiten duten pertsona guztiek- erizaintzako langileek, zeladoreek, zirujauek…-, Laneko Osasun, Medikuntza Prebentibo, Hematologia, eta Etengabeko Prestakuntza zerbitzuek eta Kalitateko Unitateak.