Una voluntaria en el momento de recibir la vacuna contra la covid-19 desarrollada por el laboratorio alemán CureVac, dentro de los ensayos en el hospital vizcaíno de Biocruces, es el primer millar de personas que necesitaba. En este ensayo participarán 30.000 personas de todo el mundo, de las que hasta 2.000 podrían ser vascos mayores de 18 años. EFE/LUIS TEJIDO

Astelehenean, hilak 8, CureVac Alemaniako enpresa farmazeutikoak COVID-19aren kontra sustatutako txertoaren eraginkortasuna eta segurtasuna probatuko dituen nazioarteko saiakuntza klinikoari ekin zion BioCruces Bizkaiak.

BioCruces Bizkaian, Biodonostian eta Madrilgo Erkidegoko beste zentro batean probatuko da txertoa. Europari dagokionez, Holanda, Belgika eta Alemania parte hartzen ari dira; beraz, mugarri bat da Euskadi halako zorroztasuna eta garrantzia duen saiakuntza kliniko batean presente egotea.

Bi dosi emango dira, batetik bestera 29 egun utzita. Paziente boluntarioek kontsulta bat izango dute, eta saiakuntzan parte har dezaketela egiaztatuko da. Gero, ausazkotu egingo dira, eta dagokien medikazioa jarriko zaie: parte-hartzaile boluntarioak ausaz banatuko dira, txertoa jasoko dutenen taldearen eta plazeboa –gatz-seruma, inolako ondoriorik gabea– jasoko dutenen kontrol-taldearen artean. Ez parte-hartzaileek, ez datuak jasotzeaz eta jarraipena egiteaz arduratuko diren profesionalek ez dute jakingo pertsona bakoitza zein taldetan dagoen. Bigarren dosiaren ondoren, zenbait bisita egingo dituzte 13 hilabetez; hori horrela, zazpi bisita izango dituzte institutuan, kontrola eta jarraipena egiteko.

Institutuko proiektuen koordinatzaile zientifiko eta CureVac azterketaren ikertzaile nagusi Eunate Aranak azaldu duenez, txertoa ikerketaren azken fasean dago, eta emaitzak oso onak dira.

BioCruces Bizkaian, saiakuntzan 50 boluntariok parte hartuko dute egunean, hilabetez jarraian; aurreikuspena 1.000 boluntariokoa da.